azman motosalonu | Qiş mövsumundə motosikleti necə konservasiya etmək olar ?


Qiş mövsumundə motosikleti necə konservasiya etmək olar ?

        Motomövsüm rəsmən bağlanmışdır, bir neçə isti gün qalır... Qarşıda bizi soyuqlar və don ehtimalı gözləyir. Belə olan halda  mototexnikanın qış mövsümü üçün hazırlanması problemi ortaya çıxır. Bir çox inkişaf etmiş ölkələrdə, motosiklet salonları müştərilərinə qış konservasiya kimi xidmət təklif edir.

        Belə ki, həmin şirkət motosikleti gələcək saxlanc yerine gətirir, onu tam təmizləyir, xüsusi vasitələrlə konservasiya edir və bütün saxlanc müddətində sıgortalayır. Belə xidmətin bir aylıq dəyəri 100-150 USD arasında dəyişə bilər. Lakin bizim ölkəmizdə belə bir xidmət rəsmi olaraq təklif olunmur.

Biz öz növbəmizdə, motosiklet sahiblərinə özlərinin motosikletlərini konservləşdirmələri üçün aşağıdakı prosedurları məsləhət görə bilərdik:

  • Motosikleti “qış tətili”nə göndərməzdən öncə,mütləq yağı dəyişdirilməlidir. Belə ki, vaxt keçdikcə,tərpənməz soyuq yağ öz xüsusiyyətlərini itirir. Yağda həll olmuş qazlar isə təmasda olduğu metal hissələrində aktiv paslanma yaradır;
  • Yanacaq çənini tam doldurmaq və xüsusi yanacaq stabilizatoru əlavə eləmək məsləhət olunur. Stabilizatorun isntruksiyası ilə diqqətlə tanış olmaq lazımdır. Belə ki, istifadə olunmuş motosikletin yanacaq çəni daxildən paslanmış ola bilər. Paslayları ayrıldıqca yanacaq sisteminin keçidlərini doldura bilər. Onu da qeyd edək ki, bir çox idman motosikletlərində yanacaq çəni plastik olur;
  • Akkumulyatoru motosikletin üzərindən çıxarıb otaq temperaturu olan yerdə saxlamaq məsləhət görünür. Akkumulyatoru tam hazır vəziyyədə saxlamaq üçün  qış boyunca onu bir neçə dəfə tam doldurmaq lazımdır;
  • Mühərrik şamını açmaq və yerinə bir çay qaşığı mühərrik yağı əlavə etdikdən sonra starter düyməsini sıxmaq lazımdır. Belə olduqda yağ mühərrikin divarlarına yayılır və orada nazik qoruyucu qat əmələ gətirir ki, buda paslanmaya qarşıdır;
  • Həmçinin motosikleti yuduqdan və quruladıqdan sonra onun paslanma ehtimalı olan hissələrini xüsusi yağlayıcı aerozol ilə yağlamaq lazımdır. Yazda isə bu xüsusi konservantı yumaq lazımdır;
  • Motosikletin “Qış tətili” öncəsi təkərləri tələb olunan təzyiq səviyyəsinədək doldurmaq lazımdır.
  • Susdurucuları isə yağlı əski ilə bağlamaq lazımdır ki, içəriyə kondensat düşməsin.

       Bütün bu deyilənlərə əməl etməniz sizin “polad atınız”ın hər zaman gümrah olmasına kömək edər.