azman motosalonu | Mopedlə motosikletin fərqi nədədir ?


Mopedlə motosikletin fərqi nədədir ?

Moped  adı ilə-bir qayda olaraq mühərrik həcmi 49 kub.sm-dən böyük olmayan iki təkərli nəqliyyat vasitələrini adlandırırlar. Bu nəqliyyat vasitələri sürücülük vəsiqəsi  və dövlət nömrə nişanı tələb etmədiyindən dünyada çox populyar və praktik hesab olunurlar. Motosikletlə müqayisədə mopedin mühərriki gövdənin arxasında, oturacağın altında yerləşdirilib ki, bu da mopedin ön hissəsində boş yer yaradır. Bu boş yerdə isə sürücü ayaqlarını və ya digər kiçik əşyaları sərbəst yerləşdirə bilir. Həmçinin, surət qutusu  rolunda həm mexaniki həm də avtomatik pilləsiz-kəmərli variator çıxış edə bilər. Ancaq son illər variator çox geniş populyarlıq qazanmışdır. Çünki şəhər şəraitində sürücüdən əlavə olaraq  surət qutusunun pillələrini keçirməyi tələb etmir. Minimal yanacaq sərfi (1-1,5 litr) və kiçik qabaritləri mopedi şəhər üçün ən praktik nəqliyyat edir.